Монгол
Монгол
English
"Иргэний нисэхийн үндэсний төв" ТӨХХК-ийн Үйлдвэрлэл үйлчилгээ хариуцсан менежер Э.Энхзориг , “Буянт-Ухаа” олон улсын нисэх буудлын захирал Л.Отгонжаргал нар нисэхийн салбарынхаа алтан үеийн төлөөлөл болсон ахмадуудаа хүлээн авч "Буянт-Ухаа" олон улсын нисэх буудлын түүхт 70-н жилийн ойг угтан түүхэн ном бичих талаар уулзалт зохион байгууллаа. ✈️
Уулзалтад ахмадын төлөөлөл С.Батмөнх , О.Наранцэцэг , Б.Хангай , П.Бадамдорж , Ж.Батхүү , Ц.Төрмөнх нар хүрэлцэн ирлээ.
Уулзалтын үеэр нисэх буудлын одоогийн удирдлагууд өнөөгийн үйл ажиллагааны ололт амжилт, сургалт дадлагын болон нөөц нисэх буудлын статусаар хэрхэн өргөжин ажиллах талаар товч танилцуулга хийв. Мөн 70 жилийн ойн баярыг угтсан бүтээлч ажлуудын талаар нээлттэй уулзалт зохион байгууллаа.
Захирал Л.Отгонжаргал: "Буянт-Ухаагийн буурал дэнжийн 70 жилийн бахархалт түүхийг бүтээлцсэн та бүхний хичээл зүтгэлтэй салшгүй холбоотой. Өнөөдөр бидний ирээдүйн зорилтыг хэлэлцэхэд та бүхний мэдлэг, туршлага, үнэтэй зөвлөгөө хамгийн чухал" хэмээн онцлов.
Үе үеийн удирдлагууд нисэх буудлын хөгжилд сэтгэл хангалуун байгаагаа илэрхийлж, түүхт 70 жилийн ойг тэмдэглэн өнгөрүүлэх, залуу хойч үедээ нисэхийн салбарын үнэ цэнийг өвлүүлэн үлдээх чиглэлээр үнэтэй санал, зөвлөгөө өглөө.
Хавсралт файлууд
| # | Файл | Хэмжээ | Төрөл |
|---|---|---|---|
| 1 | DSC_0589.jpg | 257.7 KB | image |
| 2 | DSC_0591.jpg | 190.7 KB | image |
| 3 | DSC_0595.jpg | 360.3 KB | image |
| 4 | DSC_0632.jpg | 340.9 KB | image |
| 5 | DSC_0651.jpg | 327.2 KB | image |
| 6 | DSC_0675.jpg | 347.2 KB | image |
| 7 | DSC_0712.jpg | 545.3 KB | image |
| 8 | DSC_0712_(1).jpg | 383.2 KB | image |
| 9 | DSC_0703.jpg | 371 KB | image |